Make A Wish To Jakarta

Make A Wish To Jakarta

oleh Kaka Setiawan pada 23 Juni 2011 jam 1:34

Assala_mu alaikum Abang, None, Encang, Encing, Enyak, Babeh. Ape kabar semuanye ?
Alhamdulillah dikesempatan kale eni kite masih diberi kesempatan untuk saling bersilaturahmi lewat Facebook.

Oh iye, tanggal 22 Juni kan Jakarte ulang tahun yang ke 484. Wah, jangan bilang lu pade lupe ame ultah taneh kite tercinte. Kalo lupe kite ke PRJ aje, lu bakal pade tahu tuh ape aje sih tentang Jakarte. Di acare "Jakarta Fair" semue udeh tersedie, dari makanan khas Jakarte, kebudayean Jakarte, dll. Di jamin lu pulang dari sono bakal dapet pengetahuan baru.

Oh iye Abang jadi lupe, Abang mau ngucapin selamat ulang tahun untuk Jakarte yang ke 484. Semoge Jakarte bise berkembang menjadi lebih bae lage dibanding yang sekarang.

Ngomong-ngomong harapannye Bang Ozi(Fauzi B) ape ye. Hmmmm... Mungkin semoge dirinye terpilih lage menjadi Gubernur DKI, wkwkwk just kidding. Pastinye harapan seluruh warge Jakarte hampir semuanye same, termasuk Bang Ozi yang pusing-pusingan mikirin dan benahin kesemrawutan Jakarte (beri uplause untuk Bang Ozi).

Kalo dipikir-pikir, masalehnye Jakarte tuh segambreng, aye sebutin yang utame-utamenye aje ye :
1. Banjir
Mencairnye es di kutub mengakibatkan meluapnye volume air laut. Itu diakibatkan oleh pemanasan global. Ditambeh pengikisan taneh di daerah pesisir pantai Jakarte Utare. Solusinye menghadapi banjir adalah menyediakan daerah resapan air, agar air meresap ke taneh dan kaga menggenang.
2. Kemacetan
Bayangin kalo industri motor bila satu merek aje bise menghasikan 3.000 motor dalem sehare. Meski disebar ke kote-kote laen, seenggaknye di Jakarte butuh banyak. Solusinye udeh ade Busway, tapi kurang efektif. Terus pengen dibuat Monorel, tapi kaga jadi-jadi tuh. Lalu ape dong ?
3. Kepadatan Penduduk
Jakarte kote dengan penduduk terbanyak se-Indonesia dan juge termasuk kote tersibuk se-Asia. Jelas ye, penduduknye yang banyak pade sibuk buat nambeh/mencari kekayean. Solusinye dengan menjalankan program KB "Keluarge Berencane", tapi jadi KB "Keluarge Besar/Banyak". Nah solusi yang tepatnye ape dong ?